خاص جدا لحد يدخل

بسم الله الرحمن الرحيم
السلام عليكم ورحمة الله وبركاته
يا ابو الشباب عندي كم نقطة انشاء الله راح تكون مفيدة

اولا : قل للاعضاء كلهم لما يطرحو موضوع لازم ينسقوه

ثانيا : لا تستعجل وتحط الحين مشرفين اصبر لين تشوف بالفعل مين المتميزين وال يستاهلو الاشراف

ثالثا : حاول تنزل مواضيع متنوعة كثيرة ولا تخلي المنتدا بس للعب

رابعا : ادخل المواقع الكبيرة وشوف واتعلم وخذ منهم بعض الافكار الاساسية والجديدة لاهو عيب ولا حرام عشان يرتقي المنتدا حقك بسرعه

خامسا : لازم يكون واحد من معارفك والي تثق فيهم يكون هكرز ماهو عشان يخترق موقعك ولكن عشان يعرف كيف يحميلك الموقع من الاختراق والسرقة

سادسا : في بعض المواقع الكبيرة في منتدى خاص يعلمك كيف تطور موقعك انصحك بزيارتها

سابعا : لازم تتعلم وتتعلم وتتعلم وتتعلم كل حاجة بنفسك بما انك بديت في هذي الخطوه الحلوه الله يوفقك

ثامنا : لا تحش ولا تسب احد ولا تزعل احد وخلي كل الكلام بينك وبين الاعضاء وبين الاعضاء انفسهم كلام حلو زيك كذا حتى لو كان واضح فيه المجاملة

تاسعا : لاتسوي اي شي فيه تهور او خطورة الا بعد ما تستشير وانصحك استشير كل انسان في تخصصه

عاشرا: الله يوفقك وانصحك تفتح منتدا خاص بك بس بعد ما تتعلم الكثير من تجربتك هذي ( منتدا خاص بك حتى لو كان بالفلوس سنويا مثلا ) صدقني راح تحس بالفرق